E Gass, e Strossefescht, dr St. Johanns-Rhywäg, wo verbindet: Wie dr 14er (!) d Stadt (und s Land) mitem Joggeli, wie d Vogel Gryff-Fähri s Glaine mitem Grosse. Vieli glaube scho z wüsse, doch sueche vergääbe. Bald scho öffnet die Rotblaui Gass ihri Türe für Glai & Gross. Dr erschti Grundstei vom Programm isch gsetzt. Bis zum Fescht wärde jede Fritig witeri Ständ und Acts bekannt gää.
St. Johanns-Rhywäg
26.09.2026 – Ab 12:00
Dr Schlüsselaahänger zur rotblaue Gass isch ab em 9. Auguscht (FCB – Thun) an allne Heimspiel bis zum Aalass jewils rund um s Joggeli erhältlig. Dr Aahänger söll drbi nid nur symbolisch als Zuegang zur rotblaue Gass diene, sondern au in Zuekunft Erinnerige wecke, in 25 Joor oder so. Mit em Kauf trage so alli ihre Teil zu dr rotblaue Gass bi und hälfe mit, dä vielversprächendi Daag für d FCB-Familie z ermögliche. Wie (fascht) immer gilt: Me git (nid ganz), was me wott: 20 Frangge uffwärts.
